12 طريقه خارجه عن المألوف للأحتفال بيوم الحب مع الشريك
12 طريقه خارجه عن المألوف للأحتفال بيوم الحب مع الشريك
عيد الحب بيكون فرصة اختبار شعورين مختلفين لاى اتنين بيحبوا بعض ، الاول التعبير عن الحب ده والتانى الاحساس بحب الطرف التانى ليك ، واليوم ده بيفرض على كل اللى بيحتفلوا بيه الحيره من ناحية الهدايا وازاى هنحتفل بيه بطريقه جديده وهنا بقا يجى دورى انا واقولكوا على افكار هتساعدكوا فى الموضوع ده.
1. حضر كتاب صغير واكتب فيه عن الاسباب اللى خلتلكوا تحبوا بعض وعبر فيه عن امتنانك للحب ده والموضوع ده مش هيساعدك بس بالاحتفال بيوم الحب لا كمان هيخليها تحس احساس متميز وهيديكوا الفرصه علشان تركزوا على الامور الايجابيه فيه بدل من الحاجات اللى بتضايقكوا.
2. خطط للعبه زى مثلا خريطة الكنز وخليها تدور على الهديه وتكون عامل خطط واشارات وهيا بتدور تسهل عليها المهمه.
3. بعد الاستمتاع بعشا رومانسى على ضوء الشموع فى بيتكم قدملها جلسة تدليك أو انكم تتفرجوا على احلى فيلم رومانسى بتحبوه.
4. فاجئها برحله خاصه ليكوا انتوا الاتنين لوحدكوا بعيد عن عيون الناس بانك ممكن تحجز لليلة الفلانتين فى فندق وتخطط لعشا رومانسى ليكوا فى مطعم الفندق.
5. قدم ليها الورد وعلى كل ورده اكتب تاريخ ليه ذكريات خاصه معاكوا زى مثلا تاريخ جوازكوا او حضرتوا حفله مميزه مع بعض.
6. ممكن لو أمكن تتدبر عشا فى المكان اللى اتقابلتوا فيه اول مره.
7. رتب ليله رومانسيه فى يوم العشاق ليكوا لوحدكوا فى البيت وجهزوا العشا مع بعض وبعدين ارقصوا على اغانى رومانسيه خاصه بيكوا.
8. لو كنت بعيد عنها ابعتلها حزمة هدايا وتكون كلها باللون الاحمر فى اى مكان موجوده هيا فيه.
9. لو كانت بتشتغل روحلها الشغل فى يوم الحب واخرجوا اتغدوا سوا وبوسها وعبر ليها اد ايه انت مبسوط بجوازك منها.
10. هات علبه واملاها بالبنبونى الاحمر مع رسالة حب صغيره باسمها.
11. فاجئها بانك اخدت اجازه من الشغل واستمتعوا بيوم الحب فى البيت واسترخوا واتفرجوا على التليفزيون وبعدين اعزمها على الغدا فى المطعم الخاص بيكوا.
12. لو كان عندها عربيه ممكن تلزق ورقة على الدريكسون وتعبر فيها عن حبك ليها وامتنانك للارتباط بيها علشان تتفاجأ بيها الصبح وهيا رايحه الشغل.
وطبعا كل الافكار دى كتبتها على انها راجل لمراته وتقدرى انتى تحويليها وتعمليها لجوزك وبنفس الافكار عارفه الستات ناصحين وهايعرفوا يعملوا ده.
