فوائد شرب الليمون والماء الدافئ

مشروب اللمون مع الميه الدافيه بيعتبر من الوصفات الشعبيه واللى بيستخدمها ناس كتير لعلاج بعض الامراض وكمان بيحقق بعض الفوايد الصحيه للجسم.

وعلى حسب اللى بينه الخبراء بأن شرب عصير اللمون مع الميه الدافيه الصبح على معده فاضيه ليه فوايد كتيره صحيه.

الفوايد المتعدده :

معروف ان اللمون بيحتوى على نسبه كويسه من فيتامين سى وكمان على مضادات أكسده واللى بتدعم جهاز المناعه فى الجسم ، ومحاربة الالتهابات اللى بيسبب انتشارها فى الجسم لأمراض القلب والسرطان.

وكمان شرب الميه الدافيه على معده فاضيه الصبح بيساعد الكبد ، بانه بيفرز عصاره بتزيل بعض الدهون والسموم اللى اتراكمت عليه علشان كده يعتبر الميه واللمون وسيله لتنقية الجسم من السموم.

وشرب اللمون مع الميه الدافيه كمان بيسهل عملية الاخراج وبالتالى تنظيف القولون ، وشرب المشروب ده الدافى الصبح بيحرك الامعاء كويس وبيعالج الامساك.

وعلشان تكسب الفوايد دى كلها ، انقع شرايح اللمون لدقايق فى الميه الدافيه قبل ماتشربه.

#دكتور_مفيد
#روشتة_دوت_كوم
#الدواء_بقى_أونلاين