اضرار دخان السجائر على الجسم من اللحظه الاولى لدخوله الجسم
اضرار دخان السجائر على الجسم من اللحظه الاولى لدخوله الجسم
عكس اللى الناس فاهماه ، ان الضرر اللى بيسببه التدخين فى جسم الانسان بيبدأ من الدقايق الاولى لاستنشاق الدخان ومش لسنين طويله زى ماهو معروف.
فحسب دراسه طبيه امريكيه نشرتها دورية بحوث كيميائيه فى علم السموم ان المواد الكيميائيه اللى بتسبب مرض السرطان بتتشكل فورا بعد التدخين وبالتالى الدراسه بتحذر بشده من الاستمرار فى تدخين السجاير والنرجيله وغيرها.
واضرار التدخين على صحة الانسان معروفه للجميع وخصوصا اللى بيسببه بعدد من الامراض الخطيره زى امراض القلب والشرايين وبعض انواع السرطان ، لكن الجديد فى الدراسه الطبيه الحديثه دى ان التفاعل اللى بيسبب الأمراض دى مش محتاج سنين وبيبدأ فورا بتدخين أول سيجاره.
الباحثين بيأكدوا الموضوع ده ان احتواء الدخان على اختلاف اشكاله وانواعه على بعض المركبات الكيميائيه المسرطنه واللى اسمها الهيدروكربونات العطريه ، وبينت التجارب اللى اجروها على اجسام بعض المتطوعين من المدخنين ان المركبات الخطيره دى بتسبب الضرر بالحمض النووى DNA بعد 15 دقيقه من دخول المركبات دى للجسم وبالتالى لخص الباحثين ان جسم الانسان بيتفاعل فورا مع المركبات دى الهيدروكربونيه العطريه عديدة الحلقات الخطيره.
