علاج المغص والانتفاخات عند الرضع
علاج المغص والانتفاخات عند الرضع
الكمون من التوابل المشهوره وليه استخدامات كتير وكمان بيتميز بريحته النفاذه وفوايده المختلفه ، وزمان كانوا بيستخدموا الكمون فى علاج أمراض كتير زى حالات الحمى وعسر الهضم والمغص المعوى وغيرها من الامراض .
بس ياترى تعرفى ان الكمون يعتبر أحسن الحلول الطبيعيه اللى هتخلص طفلك من الام الانتفاخات ، اللى ممكن يعانى منها من وقت للتانى ؟ والكمون من الاعشاب المفيده جدا لصحة الجهاز الهضمى وبيساعد ابنك فى التخلص من مشاكل الامساك والمغص والانتفاخ .
الاطباء بينصحوا بتقديم اى نوع من الاعشاب للطفل الرضيع بعد مايتم الشهر السادس سواء كان بيرضع طبيعى أو صناعى ، ويكون أحسن تقدميها ليه من غير سكر .
ودى هيا الفوايد السحريه للكمون فى التخلص من الام ابنك :
_ علاج المغص :
بيساعد الكمون بشكل فعال فى التخلص من المغص واضطرابات الامعاء ومشاكل الجهاز الهضمى المختلفه ، أغلي معلقة صغيره كمون فى كوباية ميه وسيبيه على النار لمدة 5 دقايق وسيبيه يبرد خالص ، واديه لأبنك بعد اضافة السكر عشان ياخد منه قبل الوجبات .
_ تحسين عمل الجهاز التنفسى :
يعتبر الكمون واحد من الحلول الطبيعيه لعلاج اضطرابات الجهاز التنفسى ونزلات البرد لأنه بيخفف السعال وبيساعد على التخلص من البلغم .
_ علاج الانتفاخ :
من المعروف اصابة الاطفال الرضع بانتفاخات البطن والغازات بسبب ابتلاعهم الهوا وقت الرضاعه ، أو بسبب تناول اللبن الصناعى وممكن التخلص احيانا من الغازات دى عن طريق التجشؤ ، ولكن فى حالة ان الطفل مش قادر يخرج الهوا أو مش مرتاح ، تقدرى تقدمى مشروب الكمون عشان يريحه ويخلصه من الانتفاخات ويساعده على النوم بهدوء وراحه .
_ علاج الامساك :
بيساعد الكمون فى التخلص من المغص والامساك عند الاطفال لانه بيسهل حركة الامعاء عند الطفل وبيحد من تشنجات البطن .
تهدئة التوتر :
بيساعد الكمون على تهدئة طفلك من التوتر اللى ممكن ينتج عنه عدم النوم كويس أو لأى سبب تانى ويساعده على النوم مرتاح .
الشعور بالراحه :
بيتميز الكمون بريحته النفاذه وطعمه المميز واللى بيحسس الطفل بالراحه والبهجه وممكن ندخل الكمون فى أنواع أكلات ومشروبات الطفل الرضيع .
الكمون ليه فوايد كتير للطفل زى ماوضحنا ، عشان كده متغفليش عن فوايد النبات الرائع ده وقدميه لأبنك باستمرار .
