لمن تخطى الخمسين يجب ممارسة الرياضه 45 دقيقه يوميا
لمن تخطى الخمسين يجب ممارسة الرياضه 45 دقيقه يوميا
دراسه استراليه حديثه بتقول ان ممارسة التمرينات الرياضيه المعتدله لمدة 45 دقيقه كذا مره فى الاسبوع تعتبر أفضل وسيله للحفاظ على النشاط الذهنى للأشخاص اللى اتجاوزا سن الخمسين .
ممارسة التمارين الرياضيه المعتدله لمدة 45 دقيقه لـ 60 دقيقه وتكرار ده بانتظام كل أسبوع بيحسن أداء وظايف المخ خلال 4 أسابيع .
مهارات الفكر والذاكره بتتحسن جدا بممارسة تمرينات رياضيه منتظمه بيستفيد منها القلب والعضلات وكمان بيستفيد المخ والجسم عند الشباب وكبار السن .
واللى عدوا الخمسين مش بيقدروا على ممارسة تمارين شاقه وممكن يمارسوا رياضه زى “تاي تشي” وهي رياضه صينيه عباره عن سلسله من الحركات البطيئه والرشيقه اللى بتشبه حركات بيعملها الفرد فى حياته اليوميه .
التمارين الرياضيه بتنشط حركة الدم والاكسجين والمواد المغذيه للمخ وكمان بتحفز الجسم على افراز هرمون بيساعد فى تكوين أعصاب جديده .
ممارسة الرياضه بانتظام كل يوم بيقلل من خطر اصابة كبار السن بمرض الزهايمر لانها بتزيد من امداد المخ بالدم الكافى لعمل منطقة الادراك بالدماغ .
اتباع اسلوب الحياه الصحى اللى بيعتمد على الاغذيه الصحيه وممارسة الرياضه بانتظام بيساهم بشكل كبير فى الحد من تراكم لويحات بروتين أميلويد اللى بيساعد على ظهور مرض الزهايمر .
