ازالة الشعر الزائد خلال الحمل دون ألم

مع بداية مراحل الحمل بيزيد نمو شعر الجسم والوش بسبب التغيرات الهرمونيه اللى بتمرى بيها وتلاحظى نمو الشعر فى أماكن مكنش بينمو فيها قبل كده زى مثلا ، الوش والدارعين من فوق والفخدين ، وبما ان وسايل ازالة الشعر مش بتسبب خطوره على الحمل ، هقولك بعض الوسايل اللى تقدرى بيها تزيلى الشعر من غير ألم .

كريمات ازالة الشعر :
بتخافى تلجأى للطريقه دى عشان تتخلصى من الشعر الزياده وانتى حامل بسبب ان فيها كميه عاليه من المواد الكميائيه ، بس الاطباء بيعتبروا الطريقه دى آمنه بس ممكن تثير الحساسيه الجلديه عند الحامل فى بعض الاحيان وبالتالى يفضل تجربيها على مساحه صغيره من الجلد الأول .

الشفره :
وهى من أكتر الطرق اللى مش بتسبب ألم بس نتايجها مش بتفضل كتير والشعر بينبت بعد ماتشليه بأيام قليله .

دلوقتى بقا هقولك بعض الطرق الطبيعيه اللى تقدرى تستخدميها عشان تخففى الوجع :

الخميره والعسل :
قلبى شوية خميره مع العسل وخففى الخلطه بشوية مية ورد وعصير لمون وقلبيهم مع بعض كويس وبعدين ادهنى بيها المنطقه اللى عايزه تشيلى منها الشعر وسيبيها تنشف وساعتها تقدرى تبدأى فى ازالة الشعر من غير وجع .

معجون السنان :
حطى معجون السنان على المناطق اللى هتشيلى منها الشعر لمدة 5 دقايق وبعدين امسحيه خالص وتبدأى تشيلى الشعر ومن غير وجع .

القرنفل :
ادهنى زيت القرنفل على المنطقه اللى هتشيلى منها الشعر وهيخفف الوجع لانه فيه مكونات قادره على تسكين الوجع .

السكر والخميره :
حطى 3 معالق سكر فى نص كوباية ميه وقرص خميره وقلبى كويس وبعدين افردى الخليط على المنطقه اللى عايزه تشيلى الشعر منها وسيبيه لحد ماينشف بعد كده ابدأى شيلى الشعر منها .

جربوا ومتنسوووش تقولولى النتايج وطبعا الطرق دى تنفع للحامل وغير الحامل .

#دكتور_مفيد
#روشتة_دوت_كوم
#الدواء_بقى_أونلاين