طريقة التخلص من لسعات البعوض
طريقة التخلص من لسعات البعوض
بيجى فصل الصيف وبتبدأ معاه المعاناه من لسعات الناموس واللى بتسبب الحكه والمتاعب لناس كتير سواء فى أوقات السهر أو فى اوقات النوم ، والناموس يعتبر العدو الأول للراحه والنوم فى فصل الصيف سواء بصوته المزعج وهو عمال يحلق حوالينا أو فى الوجع الشديد اللى بسبب لسعته ولو مش عارف تتخلص منه يبقى على الأقل تتخلص من الوجع اللى بيسببه .
وهقولك دلوقتى على حل فورى وبسيط لعلاج لسعات الناموس ومش هيكلفك اى حاجه غير شوية وقت ومجهود بسيط .
والحل ده انك لما تلسعك قرصة الناموسه حط معلقه فى ميه سخنه شويه وبعدين شيلها من الميه وحط ضهر المعلقه على مكان اللسعه وأضغط عليها لمدة دقيقتين .
وبكده مش هتحس بوجع اللسعه خالص وهيمنع الحكه اللى بعد اللسعه بسرعه ، وسر العلاج الفعال ده ان المعلقه السخنه بتتلف الماده البروتينيه اللى بتحقن الناموسه بيها الانسان لما بتلسعه والماده دى بتمنع تجلط الدم وبتسبب الحكه .
