هل استخدام الليزر لازالة الشعر امن خلال الحمل ؟

بيزيد نمو الشعر بنسبة كبيره فى فترة الحمل بسبب التغيرات الهرمونيه اللى بتحصل للأم فى فترة الحمل ، وستات كتير من الحوامل بتلجأ لوسائل ازالة الشعر السهله عشان تتخلص من الشعر الزايد ومن أكتر الطرق الشائعه دلوقتى الليزر ، لكن ياترى يعتبر الليزر من الطرق الامنه لازالة الشعر وقت الحمل ؟
تابعى معايا القراءه عشان تعرفى الاجابه …

الليزر بيحد من نشاط بصيلات الشعر ويقضى عليها وبيمنع ظهور الشعر مره تانيه ولحد دلوقتى مفيش دراسات أو أبحاث بتأكد ان استخدام الست الليزر وازالة الشعر فى فترة الحمل أمان ، وبتوصى جميع جمعيات الرعايه الصحيه بتجنب التعرض لليزر لازالة الشعر فى فترة الحمل بسبب عدم وجود معلومات كفايه حولين تأثير الليزر على صحة الجنين .

يبقى اتجنبى اللجوء لليزر واستخدام أى وسيله تانيه امنه لازالة الشعر الزايد فى فترة الحمل عشان تتجنبى حدوث اى مشاكل صحيه أو خلقيه للجنين بتاعك .

ودى بعض الطرق الامنه لازالة الشعر فى فترة الحمل :
_ شفرات الحلاقه .
_ الشمع ( الواكس ) .
_ المواد الطبيعيه ( الحلاوه ) .

#دكتور_مفيد
#روشتة_دوت_كوم
#الدواء_بقى_أونلاين