الشوكولاته الداكنه أفضل لرشاقتك رغم سعراتها العاليه
الشوكولاته الداكنه أفضل لرشاقتك رغم سعراتها العاليه
وممكن يكون فى مننا سمع ان الشوكولاته الداكنه بدرجاتها أفضل من شكولاته الحليب سواء للصحه أو حتى فى ايام الرجيم بكميه معينه طبعا .
الشوكولاته الداكنه بتحتوى على الكاكاو بنسبة 60% ، انما بتحتوى شوكولاته الحليب على دسم وحليب أكتر من الكاكاو ، بس مش هيا دى بس النقطه الوحيده الفارقه بين النوعين ، وليه بتتفوق الشوكولاته الداكنه عن الشوكولاته بالحليب ؟
محتوياتها :
يحتوي كل 100 جرام من الشوكولاتة الداكنة على:
98% من احتياجكِ اليومي من المنغنيز.
89% من احتياجكِ اليومي من النحاس.
67% من احتياجكِ اليومي من الحديد.
58% من احتياجكِ اليومي من المغنسيوم.
22% من احتياجكِ اليومي من الزنك.
21% من احتياجكِ اليومي من البوتاسيوم.
ليه الشوكولاته الداكنه هي الافضل ؟
الشوكولاته الداكنه وجبه غذائيه كامله لكن سعراتها الحراريه ممكن توصل لحوالى 546 سعر حرارى ، انما بتوصل الشوكولاته بالحليب لـ 535 سعر حرارى ، أما الشوكولاته البيضا بتكون حوالى 539 سعر حرارى ، وده معناه انها أعلى منها لكن أكتر فايده .
ومن ناحيه تانيه الشوكولاته بالحليب بتخليك تاخد دسم أكتر عباره عن دهون ثلاثيه لاستخدام الزبده والسمنه ، انما الشوكولاته الداكنه مش كده عشان كده بيكون حرقها أسرع وهي أفضل فى الرجيم للسبب ده وبتديك طاقه وفوايد وسعرات سريعة الحرق .
النقطه الحاسمه فى الصراع بين الشوكولاته الداكنه والتانيه بالحليب هي الفوايد الصحيه ليهم ، فالشوكولاته الداكنه بتتفوق بسهوله لانها بتقلل ضغط الدم والكوليسترول فى الجسم وبتقلل من خطر جلطات الدم وبتحسن من أداء المخ ، وهي اختيار كويس عشان تديك الطاقه السريعه .
ده غير كمان اللى بتحتويه من مضادات الاكسده عشان كده هى سلاح قوى مضاد لانواع مختلفه من السرطان ، وبتحتوى على ضعف كمية الاحماض الدهنيه المهمه ليك عن التانيه اللى بالحليب ، وهي صحيه أكتر لانها بتحتوى على كميه أقل بكتير من السكر ونسبة أعلى من الألياف ده غير نسبة الحديد والمغنسيوم والبوتاسيوم والفسفور الأعلى .
