اسئله واجوبه حول غسول الفم
اسئله واجوبه حول غسول الفم
ياترى فى خطر من استخدام غسول الفم ؟
?
غسول الفم مش خطر ابدا على صحة الفم بالعكس بيحافظ عليها لانه بيحتوى على الفلورايد اللى بيساعد فى حماية طبقة المينا من التاكل وبيجنبك الاصابه بالتسوس وكمان بيطهر الفم واختراق طبقة البلاك .
طيب غسول الفم بيساعد على التخلص من بقايا الأكل ؟
?
المضمضه باستخدام غسول الفم بتساعد فى ازالة بقايا جزيئات الأكل من الفم عشان كده يكون احسن استخدامه بعد الأكل وبعد تنضيف السنان بالفرشه ، وغسول الفم كمان بيمنع تراكم طبقة البلاك وأى مواد دهنيه على السنان واللثه .
طيب ينفع ناكل بعد استخدام الغسول على طول ؟
?
يفضل استخدام غسول الفم بعد الاكل ومش قبله وخصوصا الأكل اللى بيحتوى على الفلورايد يفضل نستنى لمدة 30 دقيقه بعد استخدام غسول الفم عشان تقدر المواد الفعاله تقوم بمهامها .
ياترى بيسبب غسول الفم ظهور رائحة الفم الكريهه ؟
?
ده مش صحيح لان غسول الفم يعتبر واحد من افضل الوسايل الدفاعيه ضد رائحة الفم الكريهه لانه بيحتوى على مواد فعاله بتساعد فى تطهير الفم وقتل البكتيريا المسببه للرائحه الكريهه .
ممكن نستخدم غسول الفم بعد عملية زرع الاسنان ؟?
عليك باستشارة طبيب الاسنان بالنسبه لأمتى تقدر تبدأ استخدام غسول الفم بعد عملية زرع الاسنان وبشكل عام يكون احسن عدم استخدامه لمدة متقلش عن 24 ساعه والتأكد من ان مفيش نزيف مكان العمليه.
ينفع اللى حاطط تقويم الاسنان انه يستخدمه ؟
?
بيعانى اللى عامل تقويم الاسنان من صعوبة تنظيف السنان لان الفرشه مش بتقدر توصل لكل المناطق بسهوله وتنظيفها ولازم تستشير طبيب السنان وتعرف منه الطريقه الصحيحه لاستخدامه لانه بيساعد فى الوصول للمناطق دى وبيسهل عملية التنضيف والحفاظ على صحة فمك ويخلصك من الجراثيم ورائحة الفم الكريهه .
طيب هو فى خطر عليا لو بلعت غسول الفم ؟
?
لو بلعت كميه قليله من غسول الفم مش بيكون الموضوع خطير ومش بيحتاج رعايه طبيه بس ممكن تتصاب بالغثيان او الاسهال لساعات معدوده بعدها ، ولكن لو بلعت كميه كبيره لازم على طول يكون فى رعايه طبيه وتعمل الفحوصات الازمه للتأكد من عدم وجود مشاكل صحيه خطيره .
