الحفاظ على نضارة البشره فى الصيف

1. استخدام واقى الشمس :
اهتمى دايما انك تحطى واقى الشمس المناسب لنوع بشرتك زى مثلا كريم فير آند لفلي قبل ماتنزلى الشارع بـ 20 دقيقه لان الكريم ده فيه عناصر الوقايه اللى بتمنع اشعة الشمس الضاره انها توصل لجلدك وده اللى هيحميكى من الاسمرار وجفاف الجلد وغيره من الاثار السلبيه .

2. شرب الميه :
اهتمى بشرب 8 كوبايات ميه على الأقل فى اليوم لأن جسمك بيفقد ميه كتير بسبب ارتفاع درجات الحراره وزيادة نسبة العرق عشان كده شرب كميات كبيره من الميه ضرورى لتعويض بشرتك احتياجها من الميه والحفاظ على الجلد مشدود ورطب ولتقليل جفافه .

3. الترطيب :
بتحتاج البشره للترطيب فى فصل الصيف لتعويضها عن ترطيبها الطبيعى اللى بتفقده بسبب الحراره والجفاف عشان كده اهتمى دايما باستخدام المرطبات اللى ليها قاعده مائيه ومش القاعده الزيتيه عشان تكون بشرتك رطبه وكويسه طول اليوم .

4. استخدام كريمات التفتيح :
التعرض المستمر لأشعة الشمس بيضر بشرتك وممكن يخليها تاخد لون أغمق من لونها الأساسى وخصوصا فى حالة تعرضك لأشعة الشمس لفترات طويله فى الفتره من الساعه 12 الضهر لحد 4 العصر ، عشان كده استخدمى كريمات التفتيح الصباحيه الخفيفه زى كريم فير اند لفلي ملتي فيتامين كبديل لكريم الأساس أو كريمات النهار التقيلة، لانه فيه فيتامين “ج” المعروف بفاعليته في تقشير البشرة وفيتامين “ب”3 وفيتامين “ب6″، للنضارة والمساعدة فى التفتيح، وفيتامين “هـ” المغذي والجليسرين عالي الترطيب.

5. الحصول على قسط كافى من النوم :
تعتبر المده الكافيه والمثاليه للنوم 8 ساعات فى الليل وده عشان التخلص من ضغوط الحياه اليوميه واراحة الجسم والحصول على بشره شابه لفتره أطول ، لأن قلة النوم بيسبب مشاكل للبشره وبيخلى الجلد باهت .

#دكتور_مفيد
#روشتة_دوت_كوم
#الدواء_بقى_أونلاين