لمقاومة الجوع بليل : املى تلاجتك بالأطعمه دى
زيارات التلاجه بليل علشان الأكل من العادات الغذائيه اللى مش صحيه خالص لانها ممكن تزود كيلو جرامات زياده ، علشان كده هقدم فى المقاله دى الاكل اللى هيحسسك بالشبع والامتلاء وهيساعدك على مقاومة الجوع الليلى ، ولو كنت عايز تقاوم الاحساس بالجوع بليل يبقى لازم تملى تلاجتك بالحاجات دى :
1_الحمضيات :
الحمضيات هتساعدك وخصوصا البرتقال على مقاومة الاحساس بالجوع بليل وده لانه بيحتوى على نسبه عاليه من الميه وكمان فيه فيتامين ج وكمان الحمضيات فيها ألياف اللى بتساعد على الشعور بالامتلاء ومتنساش ان بعض فوايدها بتكون فى القشره البيضا الخارجيه زى اللى فى البرتقال وكلها وبلاش ترميها.
2_الزبادى :
معروف عن الزبادى انه من الحاجات الغنيه بالبروتين اللى بيساعد على الاحساس بالشبع وبيعزز كمان من فقدان الوزن وتقدر تاكل كوباية زبادى خالى الدسم لوحده أو مع طبق فاكهه.
3_ البيض :
البيض يعتبر من الحاجات الغنيه بالبروتين وبينصح خبراء التغذيه بأكل بيضه على الفطار لأن ده هيحسسك بالشبع ويقلل من كمية الأكل اللى هتاكله طول اليوم.
4_ الفاصوليا :
الفاصوليا بتحتوى على نسبه عاليه من الالياف واللى بيعزز الاحساس بالشبع والالياف بتقفل الشهيه.
5_ التفاح :
بينصح خبراء التغذيه بأكل نص تفاحه قبل الوجبات بحوالى نص ساعه لانها بتساعد على الاحساس بالامتلاء والشبع وبيرجع ده لانه مليان الياف وميه وبيخليه مثالى لمقاومة الاحساس بالجوع.
6_ الأفوكادو :
افادت دراسه اتنشرت قريب ان أكل نص حباية من الافوكادو فى وجبة الغدا هيساعد على التقليل من الأكل اللى هتاكله طول اليوم وهيزود الاحساس بالشبع وتقدر تاكل الافوكادو لوحده او مع سلطة الفواكه.
7_ الكمترا :
بتحتوى الكمترا على البكتين والالياف وكمان مضادات الاكسده وبتساعد على الاحساس بالشبع ده غير فوايدها الكتيره.
8_ الشكولاته الغامقه :
لو حسيت انك عايز تاكل شوكولاته فممكن تاكلها غامقه لانها بتقفل الشهيه وده غير انها بتساعد على خفض ضغط الدم المرتفع وبتحمى القلب من امراض كتير ، والشكولاته الغامقه فيها سعرات حراريه قليله واللى هيضمن ليك انك مش هتكتسب كيلوجرامات زياده.
9_ الكرنب :
بيتميز الكرنب بانه خالى من الدهون وغنى بالالياف وبيحتوى على سعرات حراريه قليله وبيساعد كمان على الاحساس بالامتلاء والشبع لساعات كتيره.
10_ الميه :
عدم شرب الميه بكميات كفايه بيسبب تعزيز الاحساس بالجوع علشان كده بينصح شرب مايقلش عن 8 كوبايات من الميه كل يوم علشان تنقذ نفسك من اكتساب كيلوجرامات زيادة.
