أسباب وأعراض وعلاج انيميا البحر المتوسط
محتويات المقالة
أسباب وأعراض وعلاج انيميا البحر المتوسط
أنيميا البحر المتوسط واحده من أمراض الدم واللى بيكون وراثى فى العائلات بيمرروه لبعض ، والمرض ده بيصنع نموذج مش طبيعى من الهيموجلوبين. والهيموجلوبين عباره عن البروتين الموجود فى كرات الدم الحمرا واللى بيحمل الاكسجين ، والمرض ده بيسبب تكسير كميه ضخمه من كرات الدم الحمرا مسببا الانيميا.
الاسباب :
الهيموجلوبين بيتكون من نوعين من البروتينات : ألفا جلوبين وبيتا جلوبين.
وبتحصل أنيميا البحر المتوسط لما بيحصل خلل فى الجين اللى بيساعد على التحكم فى انتاج أى من البروتينات دى.
وبالتالى بيكون فى نوعين من انيميا البحر المتوسط :
النوع ألفا : بيحصل لما بيكون فى فقد أو تغير فى الجينات المسؤوله عن تصنيع البروتين ألفا.
النوع بيتا : بيحصل لما بيكون فى فقد أو تغير فى الجينات المسؤوله عن تصنيع بيتا.
والنوع ألفا بيحصل غالبا فى سكان جنوب شرق اسيا والشرق الاوسط والصين واللى ليهم اصول افريقيه ، والنوع بيتا بيحصل غالبا فى الاشخاص اللى ليهم اصول متوسطيه وبنسبه قليله الصينيين وباقى الاسيويين والامريكيين من اصول افريقيه.
الاعراض :
1. الصوره الشديده من النوع ألفا ممكن تسبب ولادة جنين ميت يعنى ممكن يموت وقت الولاده او فى مراحل الحمل الاخيره.
2. الاطفال المولودين بالصوره الكبرى من النوع بيتا بيكونوا طبيعيين عند الولاده بس بيتصابوا بأنيميا شديده فى السنه الاولى من العمر.
3. تشوهات فى عضم الوش والاجهاد وفشل النمو وقصر النفس واليرقان أو اصفرار الجلد.
4. الناس المصابين بالصوره الصغرى من النوعين ألفا وبيتا بتكون كرات دمهم الحمرا صغيره ومش بتظهر عليهم أى اعراض.
العلاج :
علاج انيميا البحر المتوسط الكبرى غالبا بتحتاج نقل دم بانتظام وكمان تعزيزات من حمض الفوليك.
والمريض اللى بيتعالج بنقل الدم مينفعش ياخد الحديد عشان متتراكمش كميات كبيره من الحديد فى الجسم وتسبب اضرار.
والمرضى اللى بيستقبلوا كميات كبيره من الدم هيحتاجوا لعمليه لازالة الكميات الزياده من الحديد والمعادن التقيله من الجسم.
عملية زرع نخاع العظام ممكن تساعد فى علاج المرض فى بعض الحالات وخصوصا عند الاطفال.
