أضرار ومخاطر النوم بعد الأكل مباشرة
أضرار ومخاطر النوم بعد الأكل مباشرة
تأثير النوم بعد الأكل مباشرة على الفرد :
لازم يمر فتره زمنيه بين العشا وبين معاد النوم لأن النوم المباشر بعد الأكل بيسبب حدوث الأرتجاع اللى هوه من أهم أعراضه الحموضه اللى بيعانى منها ناس كتير واللى بتحصل بسبب مرور الأكل للمرئ واللى بيسبب الأحساس بحرقة المعده .
لازم يمر ٣ ساعات على معاد الأكل قبل النوم وخاصة بالنسبه للناس اللى بيعانوا من الارتجاع .
العلاقه بين النوم بعد الأكل والسمنه :
بيسبب النوم بعد الأكل فى زيادة الوزن لأن الدم بعد الأكل بيكون مليان بالسكريات اللى بيلزمها الحركه عشان حرقها ولكن النوم بيسبب فى تحويل السكريات لدهون فى الجسم واللى بيسبب فى تحويل السكريات دى لدهون فى الجسم واللى بيسبب زيادة الوزن .
وكمان النوم بعد الأكل على طول بيأخر عملية الهضم واللى بيخلى المعده مليانه وبس وبيسبب فى الشعور بضيق التنفس بسبب الامتلاء ده .
ومن الأحسن ممارسة بعض تمارين الاسترخاء بعد الأكل بدل من النوم لأن الاستراخاء بينشط الدوره الدمويه وكمان اتمام عملية الهضم .
بيسبب النوم فى خمول جميع أجهزة الجسم ومن بين الأجهزه دى الجهاز الهضمى واللى بيسبپ تقلصات المعده وكمان بيسبب فى ظهور الكرش بسبب وجود السوايل وجمعها فى تجويف البطن وبالتالى بيسبب النوم بعد الأكل فى زيادة الوزن .
وكمان النوم بعد الأكل بيسبب فى حدوث ترهلات بالجسم بسبب وجود كميه من الدهون اللى اتكونت بفعل عدم الحرق بسبب النوم .
وكمان فى مشكله تانيه بيتسبب فيها النوم بعد الأكل وهيا رؤية الأحلام المزعجه والكوابيس .
وبنلاقى كمان ناس كتير بيعانوا من مشكلة الشخير ونلاقى السبب الرئيسى للشخير ده هوه النوم بعد الأكل من غير مايخدوا فتره مناسبه بينهم .
وعشان نتجنب كل المشاكل دى لازم نعمل الاتى :
١_ عدم تناول أكل تقيل قبل النوم عشان ميحصلكش حرقة المعده .
٢_ يفضل عدم تناول أى طعام بعد الساعه ٨ بسبب قلة عملية الحرق واللى بيسبب فى زيادة الوزن .
٣_ يفضل المشي بعد وجبة العشا ولمدة نص ساعه عشان الجسم يحرق الدهون .
٤_ ممكن الاسترخاء بعد الأكل بدل من النوم زى مثلا قراية كتاب أو الفرجه على التليفزيون وعدم النوم بعد الأكل .
٥_ يفضل تناول الزبادى أو الفاكهه فى وجبة العشا لانه أفضل عشا لقلة عدد السعرات الحراريه الموجوده فيه وكمان الزبادى بيساعد على عملية الهضم .
مش النوم المباشر بعد الأكل هو العاده الوحيده الغلط ، لأ فى عادات غلط تانيه اللى بنقوم بيها من غير ماناخد بالنا منها :
١_ شرب القهوه أو الشاى بعد الأكل .
٢_ تناول الفاكهه بعد الأكل .
٣_ الاستحمام بعد الأكل .
٤_ تضييق الحزام بعد الأكل واللى بيسبب فى ضيق المعده وعسر الهضم .
٥_ التدخين بعد الأكل .
كل دى عادات لازم نتخلص منها لأنها بتأذينا من غير مانحس .
