احرق اكتر من 100 سعر حرارى وانت تجلس مكانك
احرق اكتر من 100 سعر حرارى وانت تجلس مكانك
موقع بازال نشر موضوع بيتضمن 5 طرق فعاله بتحرق السعرات الحراريه بشكل يوازى اللى بتحرقه رياضة الجرى يوميا ، والمقال استند على دراسات علميه اجريت حول العالم عشان يتأكدوا من صحة المعلومات وافادة الاشخاص اللى عايزين يخسوا ويتخلصوا من الدهون من نتايجها الجيده والمفيده .. !
1_ أقعد من 30 لـ 60 دقيقه فى الحمام بدرجة حراره عاليه أإو فى السونا المهم هوه التعرض للحراره العاليه عشان تعرق وتخسر من 200 لـ 600 سعر حرارى يوميا . الحمام السخن بيساعد على خسارة الوزن بحرق 140 سعر حرارى فى حالة لو فضلت 35 دقيقه بتستحمى وتستمتع بالميه السخنه .
2_ بتضايق من الناس اللى متعودين يهزوا رجليهم ويتحركوا كتير وهما قاعدين ؟ انت عارف ان العاده دى اللى بتعتبرها مزعجه بتحرق 320 سعر حرارى يوميا لو مارستها أكتر من 30 دقيقه فى اليوم ؟
3_ بكل بساطه نضف بيتك بالكامل لان الدراسات أكدت ان ساعه من شغل البيت بينشط وبيعزز عمل الجهاز الهضمى وبيحرق حوالى 100 سعر حرارى فى اليوم عشان كده بننصحك بتنضيف غرفة الجلوس كويس والتحرك والتنقل بنشاط بين الأوض عشان تزود فعالية الحرق وخسارة الدهون .
4_ أكدت الدراسات ان شرب أكتر من 4 كوبايات شاى أخضر كل يوم بيحرق حوالى 183 سعر حرارى مقارنه مع الناس اللى مش بيشربوا الشاى خالص ، الشاى الاخضر بيحتوى على مضادات للأكسده بتعزز عملية الأيض وبتفعل عمل الجهاز الهضمى وبالتالى بتساعد على حرق الدهون بشكل أكبر .
