اشياء يجب الاتخلو منها صيدلية منزلك

اول حاجه لازم تفكرى فيها هو مكان الصيدليه لكن المهم انها تكون بعيده عن متناول طفلك لانه مكن يأذى نفسه بالحاجات والمعدات اللى بتحتفظى بيها جواها.

اول حاجه الترمومتر وهو من اهم المعدات اللى لازم متخلاش منها صيدليتك وده للتعامل مع اى حالات طارئة لارتفاع درجات الحراره ولو كان طفلك لسه فى الشهور الاولى استخدمى الترمومتر الموسيقى لانه بيدى ادق نتيجه.

تانى حاجه خافض اللسان هتحتاجيه عشان تكشفى الفم والحلق وتطمنى بنفسك على ابنك لان الدكتور مش هايبقى متاح طول الوقت وكمان احتفظى فى الصيدليه بجميع الادويه اللى بيوصفها الدكتور لابنك واستخدميها وقت الحاجه.

تالت حاجه الحقنه الانفيه وهي من اكتر الادوات اللى لاغنى عنها فى صيدلية البيت وخصوصا لو كان ابنك لسه فى شهوره الاولى وتستخدميه فى شفط المخاط واخراجه .

فى سنواتهم الاولى الاطفال بيلعبوا ويتحركوا ويكتشفوا وده بيعرضهم اكتر لللاحتكاكات والاصابات عشان كده لازم يكون فى صيدليتك الاصقات الطبيه البلاستر يعنى بمختلف الاشكال والاحكام.

مع الاصقات هتحتاجى ضمادات لان الاطفال عادة بيكونوا معرضين للسقوط والاصابات وطبعا لازم تكونى مستعده لده وكمان خلى مع الضمادات مقص حاد يكون مخصص للاستخدام معاها.

لما بيكون اللعب والحركه بره البيت بيكون الطفل اكتر عرضه للاصابه بالشظايا الصغيره او الاشواك وهنا يجى دور الملاقيط اللى مش ممكن تخلو منها الصيدليه .

ومهم كمان يكون فى الصيدليه بعض الكريمات الطبيه زى الكريمات المطهره للجروح او المضاده للطفح الجلدى للتعامل الفورى مع اى حالات طارئه وطبعا لازم تستشيرى الدكتور قبل اختيار نوع بعينه.

واخيررا … فى ادوات هتستخدميها لحماية طفلك وسلامته ومنها الاوعيه وادوات المعااينه المعقمه وقطع القطن المعقم والجوانتى الطبى.