اهم الامراض التى تتنتقل بين الحجاج فى موسم الحج
اهم الامراض التى تتنتقل بين الحجاج فى موسم الحج
1_ الوقايه من الرشح والزكام :
الاهتمام بالنظافه الشخصيه واستعمال مناديل ورقيه ، الاكثار من تناول الخضار والفاكهه الطازه الغنيه بفيتامين C ، الاكثار من شوربة الفراخ لانها مضاده للأكسده ومقوى للمناعه والشوربه الدافيه بتسكن الم الحلق والحنجره ولأن بيكون فيها بصل وفلفل بيساعد على مكافحة الجراثيم وتعزيز السوايل فى الجسم ، الشاى بلمون وهما مضادين قويين للأكسده ، عصير البرتقال واللمون .
2_ الوقايه من انفلونزا الطيور :
لازم الالتزام بقواعد الصحه العامه والتأكيد على أهمية المحافظه على الصحه الشخصيه ونضافة الايدين والجسم والأكل ، عدم أكل لحوم الدواجن والبيض اللى مش مستويه كويس .
لو ظهرت اى اعراض حتى لو بسيطه زى الرشح او السعال او ارتفاع درجة الحراره لازم تستشير الدكتور والاهتمام بلبس الكمامه وعدم مخالطة الاخرين.
3_ الوقايه من الحمى الشوكيه :
عن طريق التطعيم بمصل هيموفيللى ، هيب فاكسين .. فى فترة الطفوله وهيا بتقى من نوع واحد من المرض ده ، وفى حالة وجود فرد مصاب بالمرض ده من افراد العيله لازم تطعيم افراد العيله كلهم وينفصل الشخص المصاب من اى اتصال مباشر.
4_ الوقايه من الاسهال والنزلات المعويه :
الابتعاد عن اى أكل أو شرب من الباعه الجائلين ، غسيل الخضار والفاكهه اللى بتتاكل نيه غسيل كويس اوى ، عدم أكل اطعمه مكشوفه او مشكوك فى صلاحيتها ، اغلى اللبن كويس او اشرب اللبن المبستر المعلب وخد بالك من فترة صلاحيته ، اشرب الميه النقيه ويفضل المعبأه واى سوايل تانيه تكون معلبه واتأكد من تاريخ الصلاحيه.
5_ الوقاية من الإصابة بالإنهاك الحراري و ضربة الشمس:
عدم التعرض لأشعة الشمس المباشره وخاصة فى فترة الضهر ، استخدام الشمسيات ويفضل اللى الوانها فاتحه ، تجنب حرارة الجو الشديده وتفضل فى الضل ، شرب الميه البارده بكميات كبيره وتكتر من السوايل والعصاير ، تقلل النشاطات البدنيه زى المشى وخصوصا لما تشتد درجة الحراره ، الاقامه فى أوضه مكيفه أو متجددة الهوا .
6_ الوقايه من التسلخات :
اتجنب التعرق الشديد بعدم المشى لفتره طويله ، استعد لو كنت هتمشى بانك تحط بودره او مرهم ، اهتم بغسيل المنطقه عند الوضوء وتنشيفها ، اهتم بتغيير الملابس الداخليه أو ملابس الاحرام لو تقدر .
7_ الوقايه من الالام الكلويه :
تجنب فقدان السوايل بعدم المشى لفتره طويله فى الشمس ، اشرب سوايل كفايه عشان تعوض الجسم حوالى 3 لترات كل يوم ، اتجنب تكتر من اللحوم والاجبان والالبان .
8_ الوقايه من الربو :
تجنب الاماكن المزدحمه ، متجهدش نفسك على أد ماتقدر ، اتجنب الاماكن سيئة التهويه والتراب والروايح النفاذه والتدخين ، استخدم الكمامات الطبيه ، خد معاك الادويه الكافيه للحج .
9_ الوقايه من احمرار العين :
عدم حك العين بالاحرام أو فركها بالايدين ، اتجنب الامكان الزحمه على أد ماتقدر ، البس النضارات الشمسيه الواقيه .
10 _ الحمى الصفرا :
مرض معدى بيتميز بتلف الكبد ومرض الصفرا وبيتم التطعيم ضده دوليا وبيدى مناعه كامله بعد 10 ايام ولمدة 10 سنين وبيتطلب من الحجاج المسافرين شهادة تطعيم ضد الحمى الصفرا وفى حالة ان مفيش شهاده خصوصا من الدول المعروف انها موبؤه بالمرض ده بيتطعم الحاج اول مايوصل لمنفذ دخول المملكه ووضعه تحت المراقبه الصحيه الدقيقه لمدة 6 أيام .
11_ الكوليرا :
لازم تطعيم الحجاج ضد الكوليرا قبل قيامهم بفريضة الحج أو العمره وبيطعم الشخص فى اى سن ماعدا الاطفال اللى مبلغوش سنه فأقل والستات الحوامل فى الشهرين الاخيرين من الحمل .
12 _ حمى التيفود والباراتيفود :
بيتم التطعيم ضد التيفود والباراتيفود بواسطة لقاح مركب بيستمر مفعوله 6 شهور وهو بيدى المناعه وممكن اعطاء حقنه منشطه كل 3 سنين أو اقل مع مراعاة عدم اهمال وسايل الوقايه الشخصيه وقت الاكل والشرب .
13 _ الوقايه من التسمم الغذائى :
تناول منتجات الالبان المبستره وطويلة الاجل ، حفظ منتجات الالبان بعد فتحها وقبله فى التلاجه ، عدم تناول الاطعمه المكشوفه او المطبوخه من فتره طويله اكتر من ساعتين قبل التأكد من صلاحيتها ، عدم تناول شندوتشات البيض والفراخ والتونه قبل التأكد من تسويتها كويس ونضافتها عشان متتصابش بالتسمم الغذائى السالمونيلا ، اشرب الميه المعقمه ، كتر من شرب الميه والسوايل وعدم التعرض لحرارة الشمس او الجلوس فى اماكن حر ، التأكد من تاريخ صلاحية المعلبات ، غسيل الفاكهه والخضار كويس قبل اكلها ، يفضل فى الايام المباركه دى اكل الفاكهه اللى ليها قشر سميك زى الموز والبرتقال واليوسفى عشان تضمن نضافتها وعدم تلوثها ، اتباع اساليب النضافه الشخصيه السليمه والتخلص من الفضلات بطريقه صحيحه.
