علاج المسام الواسعه فى البشرة خلال اسبوع
علاج المسام الواسعه فى البشرة خلال اسبوع
ومن العوامل الطبيعيه اللى بتأثر كمان التراب اللى بيسد المسامات واللى بيخليها تظهر بحجم اكبر من حقيقتها والمشكله دى بتسبب فى ان البشره تظهر بشكل وحش وبتزيد من انتشار الحبوب.
ومن الاسباب اللى بتظهر مشكلة المسامات الواسعه كمان التعرض المباشر والمستمر للشمس واللى بيسبب فقدان مرونة البشره وده بيسبب اتساع احجام المسامات على البشره مع الوقت ، وكمان التقدم فى العمر بيتسبب فى ان البروتينات اللى بتخلى ملمس البشره صحى تتكسر.
وفى المقاله دى هقدملك 9 نصايح يوميه لعلاج المسام الواسعه فى اسبوع واحد بس1. غسيل الوش باللبن :
غطس حتة قطنه فى اللبن وبعدين دلك بيها وشك لأن ده بيساعد فى ان البشره تتخلص من الاتربه والجراثيم المتراكمه على سطحها واللى بتسبب فى انسداد المسامات ويظهرها بشكل واسع.
2. غسيل الوش برقه :
اوعى تغسل وشك بعنف لان ده بيسبب تعرض البشره للجفاف واللى بيخليها تفرز زيوت اكتر علشان ترجع التوازن ليها.
3. تطهير الوش الصبح وبليل :
اهتم بتطهير وشك كل يوم الصبح بدرى وقبل ماتخش تنام وكمان لازم تغسل وشك بالميه الدافيه علشان يدى بشرتك الحمايه الطبيعيه.
4. دلك بشرتك بالثلج :
دلك بشرتك بمكعب ثلج لمدة دقيقتين لان البروده اللى هتتعرض ليها البشره بتساهم فى قفل المسامات وبعد ماتستحمى بالميه السخنه اغسل وشك على طول بالميه الساقعه وده هيقفل المسام بعد مااتفتحت بالميه السخنه.
5. استخدم التونر :
استخدم التونر فى تنضيف بشرتك لانه بيزيل الجراثيم والتراب اللى ماسك فيها واحسن نوع تونر طبيعى هوه عصير الطماطم حطه على وشك لمدة دقايق هيخلى مضادات الاكسده تمتص كل اللى فى البشرة من اوساخ وجراثيم ويقل حجم المسام.
6. تقشير البشرة :
لازم تقشر بشرتك مرتين او تلاته فى الاسبوع الواحد لان ده بيساعد فى انها تتخلص من الشوائب وخلايا الجلد الميته.
7. مية الورد :
امسح وشك بمية الورد بعد ماتغسله الصبح لان ده هيخلى المسام المفتوحه تتقفل ويزيد من نضارة البشرة واشراقها ومية الورد تعتبر من افضل البدايل الطبيعيه للتونر.
8. ترطيب الوش وحمام البخار :
اعمل قناع مرطب مناسب لبشرتك مره واحدة على الاقل كل شهر واعمل حمام بخار مره او مرتين كل اسبوع.
9. استعمل الوصفه دى علشان تقفل المسام :
المكونات :
بياض بيضه _ عصير نص لمونه
الطريقة :
قلب المكونات دى كويس اوى مع بعض وبعدين حط الخلطه دى على بشرتك لمدة 15 دقيقه.
