كيفية التخلص من ادمان الملح والبدائل الطبيعيه
كيفية التخلص من ادمان الملح والبدائل الطبيعيه
عشان تتخلص من ادمان الاطعمه المالحه لازم تتبع خطوات مختلفه عشان تحافظ على صحة القلب لانه احد الامراض القاتله وارتفاع ضغط الدم هو عامل رئيسى لامراض القلب وبمجرد اجراء خطوات صغيره فى نظامك الغذائى عشان تعمل فرق كبير لخفض ضغط الدم لازم تبعد عن الاطعمه المالحه :
1. تجنب الاكل الجاهز :
40% من ادمان الملح بسبب الاكل والوجبات الجاهزه لان بعض الشركات بتلجأ لزيادة الملح فى الوجبه عشان كده لازم تاخد بالك من كمية الصوديوم الموجوده فى الاطعمه والحصول على كميات أصغر من الصوديوم بشكل طبيعى ولما هتاكل الاكل الطبيعى فى الغالب هيساعدك فى الحفاظ على مستويات صوديوم اقل .
أكل الوجبات السريعه ممكن يكون سريع ورخيص لكنك هتدفع الثمن فى السعرات الحراريه والدهون والصوديوم وكتير من العناصر الغذائيه ويتصدرها الصوديوم .
2. تقليل التوابل :
ممكن تتحكم فى نسبة الصوديوم وكميات التوابل اللى بتستخدمها فى الاكل وممكن تختار التوابل دى اللى بتحتوى على سعرات حراريه اقل ودهون وصوديوم زى مثلا :
معلقتين خل بلسمك بيحتوى على 14 سعر حرارى وخالى الدهون و2 مليجرام صوديوم .
معلقة صغيره خردل بتحتوى على 10 سعر حرارى وخاليه من الدهون و100 مليجرام صوديوم .
معلقه كبيره نكهة المخلالات بتحتوى على 21 سعر حرارى وخاليه من الدهون و109 مليجرام صوديوم .
معلقتين فجل حار بيحتوى على 4 سعر حرارى وخاليه من الدهون و27 مليجرام صوديوم .
نص معلقه عصير لمون بيحتوى على 8 سعر حرارى وخاليه من الدهون و1 مليجرام صوديوم .
3. حذارى من الصلصات :
لو كنت فاكر ان سائل السلطات والصوص مش هيضيف صوديوم كتير لوجبتك يبقى انت محتاج التفكير مره تانيه فى الموضوع ده لانه بيحتوى على كميه كبيره من الصوديوم وبيسبب ادمان الاطعمه المالحه .
4. اتخلص من ادمان أكتر تلات اطعمه مالحه لمدة شهر واحد :
معظم ادمان الملح بيجى من التركيز على تناول أكل معين وبس زى المخلالات هتحتاج تتخلص من اكل العناصر دى فى نظامك الغذائى عشان توقف الحنين لادمان الاكل المالح واتباع الطريقه دى كل يوم لحد ماتوصل لشهر هتقدر فيه تتخلى عن اكتر 3 اكلات مالحه بتحبها فى نهاية الشهر وهيكون عندك القدره على التخلى عن الاكل المالح بالتدريج وده مش معناه انك تتخلى عن الملح خالص فى نظامك الغذائى ولكن بانك تاخد على كمية توابل أقل .
5. الانتباه للمعادن التانيه فى نظامك الغذائى :
احيانا بيكون عندك ادمان لأكل مالح بسبب انك بتفتقر الحصول على المعادن الاساسيه التانيه والمغذيات زى المغنسيوم والكالسيوم والزنك ، والعناصر الغذائيه دى ممكن تاخدها من خلال الاطعمه الجيده :
هتلاقى المغنسيوم فى الخضار والخضار الورقى والمكسرات والبذور والفاصوليا والحبوب الكامله والافوكادو .
هتلاقى الكالسيوم فى منتجات الالبان والجبنه والزبادى والتوفو وبذور السمسم .
الزنك موجود فى العدس والكاجو والكينوا والحمص والجمبرى والمحار وبذور اليقطين .
6. الطهى الصحى :
لازم تحاول من تقليل محتوى الملح فى الوصفات اللى بتجهزها بنفسك فى البيت بالتدريج وتدور عن البدايل الطبيعيه اللى هتساعد التخلص من ادمان الملح .
7. لما تختار المنتجات المعلبه اختار الاطعمه الخاليه من الصوديوم :
وانت بتدور على المنتجات المعلبه فى محلات البقاله لازم تقرأ ملصقات الاغذيه ولازم تدور مثلا على الاكل الخالى من الصوديوم وتختار خبز القمح بدل من الخبز الابيض .
