لو شعرك بيقع أهم الاسرار لحماية شعرك

لو شعرك بيقع أهم الاسرار لحماية شعرك

اكيد اغلبنا بنعانى من مشكلة تساقط الشعر وممكن يكون السبب مرضى او نفسى او غذائى بس علشان نعرف السبب الاساسى ايه فى تساقط شعرنا لازم نروح لدكتور متخصص ونشخص الحالة ونعرف السبب الطبى لتساقط شعرنا، بس انا دلوقتى هاقولك على شوية طرق طبيعية لعلاج تساقط الشعر:
1.التغذية:
الشعر علشان ينمو بشكل سليم محتاج لعنصر الحديد والزنك, والفيتامينات والمعادن المختلفة والمهم جدا البروتينات ولازم فى التلات وجبات بتوعنا يكون فيهم اى نوع من البروتينات ونهتم كمان بالحبوب, المكسرات, البيض والسمك لانها بتزويد جسمنا بالاوميجا 3 المهم فى صحة وسلامة فروة الرأس وكمان لازم نهتم بتناول الفواكة والخضار يوميا فى التلات وجبات.
2.العناية بالشعر:
لازم نتعامل مع شعرنا بلطف وعناية ونبعد خالص عن الصبغات وتمليس الشعر لان فيها مواد كيمائية بدرجة عالية جدا وتعتبر سامة لبوصيلة الشعر وتضعفة وبكدا يبدأ الشعر فى التساقط.
3.حافظى على هدوءك النفسى:
حالات التوتر النفسي والعصبية بتسبب وقوع الشعر يبقى لازم نحافظ على هدوء اعصابنا ومننساش ان اى مشكلة فى الدنيا وليها حل انشاء الله.
لو عجبتكوا المقالة لايك وكومنت وشير .. وكمان شاركوني آرائكوا
#دكتور_مفيد
#روشتة_دوت_كوم
#الدواء_بقى_أونلاين