متلازمة ماقبل الدوره الشهريه
متلازمة ماقبل الدوره الشهريه
لو حسيتى فى اى وقت انك على غير حالتك المعتاده وده بيكون فقط قبل الدوره الشهريه عندك يبقى انتى بتعانى من متلازمة ماقبل الدوره الشهريه ، بتعانى حوالى 9 من أصل 10 سيدات من متلازمة ماقبل الدوره الشهريه قرب ميعاد نزول الدوره ، طبعا دى مشكله أكيد عند البنات لو كانوا بيعاوا منها .
بالرغم ان فى اكتر من 100 عرض مختلف لمتلازمة ماقبل الدوره الشهريه الا انك بتعانى من عرضين بس وبتلاحظ بعض الستات والبنات تغير الاعراض من شهر للتانى وممكن بنات وستات تانيين يعانوا من نفس الاعراض كل شهر بس المشترك بينهم كلهم ان الاعراض بتكون شديده فى شهور عن شهور تانيه .
أعراض متلازمة ماقبل الدوره الشهريه :
الصداع
الأرق أو الإرهاق أكتر من المعتاد
الغثيان
التغيرات اللي بتحصل على الجلد أو الشعر
آلام أو طراوة الثديين
احتباس السوائل/الشعور بالانتفاخ
تغيرات الشهية
آلام العضلات والمفاصل
آلام الظهر
مشاكل المعدة
الأعراض النفسية لمتلازمة ما قبل الدورة الشهرية:
سرعة الانفعال وتعكر المزاج
الشعور بالغضب والميل للبكاء والقلق
تقلب المزاج
صعوبة التركيز
تشوش الذهن والسهو والنسيان
قلة الثقة بالنفس
السيطرة على متلازمة ما قبل الدورة الشهرية :
مارسي التمارين الرياضية – حتى لو كنتى مش متحمسه لده فعلا بتدى نتيجه كويسه.مش بتخفف ممارسة تمارين الأيروبيكس العادية من حدة أعراض متلازمة ما قبل الدورة الشهرية وبس ،انما وبتقلل من شعورك بالإرهاق كمان .
تناولي أغذية صحية – قللي كمية الملح والكافيين والسكر وامتنعي عن الكحوليات ، وتناولي بدل من ده الأطعمة الصحية زى السمك والفراخ والمكسرات والحبوب والمكرونة والفواكه والخضروات والحبوب الكاملة.
تناولي وجبات أصغر – ده هيساعدك فى اللى متعلق بالانتفاخ.
تناولي الأطعمة الغنية بالكالسيوم زى اللبن والجبنه والزبادي.
أديري أي ضغوط ممكن تواجهك ؛ فالضغوط من شأنها تخلى أعراض متلازمة ما قبل الدورة الشهرية أكتر سوء. كمان تقنيات العلاج بالاسترخاء زى اليوغا والتدليك هتنفعك جدا.
جربي الأدوية التكميلية : ممكن يقلل الكالسيوم وفيتامين د من حدة الأعراض الجسمانية والنفسية لمتلازمة ما قبل الدورة الشهرية ، كمان ممكن يساعد الماغنسيوم على تخفيف آلام وانتفاخ الثدي فضلا عن تقلبات الحالة المزاجية ، وفى ستات بتدهن الثدي بليل بزيت زهرة الربيع لتخفيف آلامه.
