نصائح لتجنب العصبيه فى رمضان
نصائح لتجنب العصبيه فى رمضان
كتير مننا بتتملكه العصبيه وقت الصيام فى رمضان واللى بيخليهم يدوروا عن طرق تجنبهم العصبيه زى ما الرسول حث على سعة الصدر وطيب الخلق دايما وفى الصيام تحديدا .
ودى بعض النصايح اللى هتجنبك العصبيه فى رمضان :
_ لازم دايما يكون فى بالك روحانيات الشهر الفضيل اللى يعتبر الصبر والايمان وحسن الخلق أهمها . كل ماافتكرت الجزئيه دى هتلاقى نفسك اتراجعت عن العصبيه .
_ لو كنت من المدخنين ، فالصبر هو الحل ، ويمكن الشهر الفضيل هو الفرصه الذهبيه للاقلاع عن التدخين .
_ خلى وجبة الفطار على فترات وابدأ بالتمر والشوربه وبعد كده الصلاه وبعدين ترجع للطبق الرئيسى ، وده عشان توازن السكر فى الجسم ضروري لمنع تقلبات المزاج الحاده .
_ كوباية يانسون دافي فى السحور هتهدى الأعصاب .
_ الانشغال بقراءة القران وقصص الهدى النبوي ومتابعة بعض المسلسلات الهادفه وبرامج الطبخ وزيارة القرايب ، كلها هتحسن المزاج .
