يجب عدم تناول الموز فى الافطار
![](https://blog.rosheta.com/wp-content/uploads/2017/03/16142646_1867147466830982_4086188187730341066_n.jpg)
يجب عدم تناول الموز فى الافطار
اغلبنا لازم ياكل الموز فى الفطار لانه سريع وجميل ومليان فوايد بس من رغم ان الموز مليان الياف وبوتاسيوم وعناصر تانيه كتير تخليك تفكر انه احسن وجبه او من اهم العناصر فى الفطار بس فى شوية محاذير لازم ناخد بالنا منها علشان نعرف ليه مينفعش ناكله فى الفطار.
1- احتواؤه على نسبة عالية من السكريات:
الموز فيه نسبة 25% من السكريات، اللى بيحسسنا بالشبع والاحساس بالطاقة اول مانكله فى الفطار لكن الجسم بسرعة بيتخلص منه وده هايخليك تحس بالجوع والارهاق علشان كده لو كنت من عشاق الموز يبقى لازم تاكله بعد أكل فواكهه تانية وأكل تانى علشان تشكل وجبة فطار مختلفة.
2- لا يجب الاعتماد عليه كوجبة أساسية:
فى بعض الاوقات بيلجأ بعضنا لأكل الموز كوجبة فطار اساسية بس خد بالك أكل الموز لوحدة من غير مايكون فى اكل تانى صحى معاه واللى في دهون اللى محتاجها الجسم بنسب معينة هيسبب فى احساسك بالخمول طول اليوم.
3- غني بالسعرات الحرارية:
أكل حبة موز واحدة متوسطة الحجم كل يوم مش هيضر بوزنك بس الحبه دى بتحتوى على ما بين 105 و110 سعر حراري، بمعنى ان كده لو كلت كميه كبيرة منه فى اليوم هيضر بوزنك وهتزود من السعرات الحراية.
4- يهدد بالإصابة بمرض السكري:
الموزه متوسطة الحجم فيها 27 جرام من الكربوهيدرات، علشان كده أكل الموز بكميات كبيرة هيتسبب فى امداد الجسم بنسبة كبيره منها وده بيهدد الاصابة بمرض السكر.
5- يصيب بالانتفاخ:
الموز بيعتبر مصدر للألياف الغذائية الضرورية لصحة الجهاز الهضمى واللى بتساعد كمان فى احساس الشبع بالاضافة انه مليان بالفوايد الصحية التانيه لكن الافراط فى أكل الموز هيزود جسمك بكمية زيادة من الالياف االلى بتسبب فى اضطراب عملية الهضم واللى بيعمل انتفاخ والاحساس بعدم الراحه فى معدتك.
6- الكثير من فيتامين “B6”:
بيحتوى الموز على كمية كبيرة من فيتامين “B6″، وأكل الموز بكميات كبيرة فى وجبة الفطار بيدى الجسم كمية كبيرة من الفيتامين ده واللى اثبتت بعض الدراسات انه بيسبب فى تلف الاعصاب علشان كده خد بالك من عدم أكل الموز بكميات كبيرة.