التخلص من رائحة العرق الكريهه
التخلص من رائحة العرق الكريهه
ريحة الجسم اللى مش لطيفة ممكن تكون حرفيا اسوأ المشاكل الشخصية اللى ممكن انك تواجهها بغض النظر عن كونك راجل او ست ، وحالا هقولك 7 طرق علشان تتخلص من المشكلة دى :
1. متبعدتش عن الشاور :
الشاور بالنسبة ليك هو زى التطعيم ضد الامراض أساسى ، والشاور كل يوم بيقلل من كمية البكتيريا على جسمك واللى عادة بتكون السبب فى الريحة اللى مش حلوة وياريت كمان ويكون افضل انك تستحمى مرتين فى اليوم لو كنت من الناس العصبيين.
2. استعمل مضاد العرق :
فيه خصائص مطهرة ضد البكتيريا مش موجوده الا فى مزيل العرق انما مضاد العرق بيغطى ريحة العرق لانه بيمنع ويسد الغدد العرقية ، وانت بتختار دايما اختار الاصناف اللى اساسها مائى.
متستخدمش البرفان على العرق :
اوعى تستخدم البرفان او الكولونيا لما تكون عرقان لان البرفان بيموه العرق بس لفترة قصيرة جدا واول مايروح مفعوله هتحس بان ريحة العرق زادت اكتر.
4. البس هدوم قطن :
كل مالبسك كان ضيق كل مازادت ريحة العرق بسبب الاحتكاك المباشر مع الجلد وان المسامات مش قادرة تتنفس كمان وابعد كمان انك تلبس طبقات كتير فوق بعضها لانها هتزود العرق ، ولبس الهدوم القطن بيخفف من اختناق المسامات وبيمنع التعرق المفرط.
5. تنظيف المكان من الشعر :
لو فى شعر كتير فى المكان ده هتزود كمان من افراز العرق من الغدد العرقية والريحة الوحشة وبنصح بحلاقته او نشيلة او نعالجة بالليزر.
6. تغيير النظام الغذائى :
التوم والبصل بيساعدوا فى زيادة ريحة الجسم وبيرجع ده لوجود مكونات الكبريت فى الأكل اللى بيميل للاختراق من خلال المسام واحنا مش بننصح اننا نوقف اكلها بس يكون فى حدود المعقول وحاول انك تزود من كمية الزنك والمغنسيوم ولو قللت المكونات دى فى نظام غذائك ممكن يسبب ريحة الجسم اللى مش لطيفة.
7. استشارة الطبيب :
لو ريحة الجسم استمرت حتى بعد لو جربت كل الطرق اللى قولنا عليها فوق يبقى لازم تستشير الدكتور لان ريحة الجسم مؤشر كبير على وجود نوع من المرض.
