علاج الحروق ودرجاتها وطرق التعامل وقت حدوثها
علاج الحروق ودرجاتها وطرق التعامل وقت حدوثها
علاج الحروق بيعتمد على نوع ومدى وقوع الاصابات ، وممكن علاج معظم الحروق الطفيفه فى البيت باستخدام اكتر من وصفه طبيه أو منتجات الصبار والحروق فى العاده بتلتئم فى خلال اسابيع.
للحروق الخطيره : بعد تقديم الرعاية المناسبة والإسعافات الأولية وتقييم الجروح، يبقا العلاج بعد كده محتاج ادويه والعلاج والجراحه وهدف العلاج هوه السيطره على الوجع وازالة الأنسجه الميته ومنع العدوى والحد من التندب واستعادة وظيفة الجلد.
وممكن تحتاج لشهور من العلاجات الاضافيه وممكن يتم العلاج بالاقامه فى المستشفى أو فى العياده الخارجيه أو فى البيت وده بيرجع للظروف والقدرات وعلى انك هتقدر تغير على الجروح ولا لأ فى كل انحاء الجسم.
الأدوية والمنتجات المتاحة لإلتئام الجروح:
للحروق الكبيره بتستخدم ادويه كتيره ومنتجات لتسريع الشفاء:
1. فريق الرعايه الصحيه بيستخدم تقنيات زى الموجات فوق الصوتيه لتنضيف وتنشيط انسجة الجرح.
2. السوايل لمنع الجفاف لأن ممكن تحتاج للسوايل عبر الوريد لمنع الجفاف وفشل عمل الاجهزة.
3. أدوية لتقليل الوجع لأن ممكن يكون محتاج المورفين ومضادات للقلق وخصوصا عند التغيير على الجرح.
4. مراهم للحروق وفى عندنا منتجات متنوعه موضعيه لشفاء الجروح واللى بتساعد فى الحفاظ على رطوبة الجرح والحد من الوجع ومنع العدوى وسرعة الشفاء
5 فريق الرعايه الصحيه بيستخدم ضمادات مختلفه بتخص الجرح ودى بتخلق بيئه رطبه بتحارب العدوى وتساعد على شفاء الجرح.
6. تناول العقاقير اللى بتحارب العدوى علشان لو تم الاصابه بالعدوى ممكن تحتاج للمضادات الحيويه.
7. الدكتور بيوصى بأخذ حقنة التيتانوس بعد اصابات الحروق.
العلاج الطبيعي والمهني:
لو كانت المنطقه المحروقه كبيره وكمان بتغطى مكان المفاصل ممكن تحتاج تمارين العلاج الطبيعى وممكن بالطريقه دى الجلد يتمدد لحد المفاصل وتكون مرنه ، وفى انواع تانيه من التمارين ممكن تحسن قوة العضلات والتنسيق بينها والعلاج المهنى ممكن يساعد لو كان عندك صعوبة فى القيام بالانشطه اليوميه العاديه.
العمليات الجراحيه:
أجهزة مساعده للتنفس :
لو كان الحرق على الوش او الرقبه ممكن الحلق يكون مقفول وفى الحاله دى ممكن الدكتور يدخل انبوب اسفل القصبه الهوائيه علشان يحافظ على الاوكسجين اللى بيوصل للرقبه.
أنبوب التغذيه :
التمثيل الغذائى مهم جدا لما بيبدأ جسمك محاولة الشفاء من الحروق ولتوفير التغديه الكافيه فان الدكتور بيمد انبوب تغذيه عن طريق الانف للمعده.
ترقيع الجلد :
ترقيع الجلد هو اجراء العمليات الجراحيه اللى بتستخدم فيها اقسام صحة الجلد علشان تحل محل الندوب اللى بسبب الحروق العميقهز
جراحه تجميليه:
ممكن تحسن من ظهور الندبات للحروق وزيادة مرونة المفاصل المتضرره من التندب.
نمط الحياة والعلاجات المنزلية:
لعلاج الحروق الطفيفه مكن تتبع الاتى:
1. تبريد الحروق:
تشغل مية الحنفيه البارده على الحرق لمدة ربع ساعه أو لحد مايخف الوجع واوعى تستخدم التلج لانه مممكن يسبب ضرر للأنسجه.
2. إزالة الملابس اواى حاجه من المنطقة المحروقة:
ونحاول نعمل كده بسرعه وبراحه قبل مايورم المكان ويضخم.
3. تنضيف البثور الصغيرة:
عليك انك تفتح البثور وتنضف المكان براحه بالميه والصابون وبعدين تحط مرهم مضاد حيوى وتغطيه بشاش.
4. تطبيق مرطب أو غسول الصبار أو الجل:
الجل ده بيهدى المكان وبيمنع الجفاف لحد مالجرح يخف.
5. تناول المسكنات:
لو لزم الامر لازم تاخد مسكنات للألام .
6. أخذ تطعيم ضد التيتانوس:
بينصح الاطباء المصابين بالحروق انهم ياخدوا التطعيم ضد التيتانوس كل 10 سنين على الاقل سواء كان الحرق بسيط او خطير وكمان لازم تستخدم واقى من الشمس ومرطب بانتظام لحد مالجرح يلم.
